Eĉ birdoj pepis esperante en la Zamenhofa tago. La esperantlingvaj kaj priesperantaj mesaĝoj, "pepoj", en la mikrobloga servo Twitter multobliĝis dum la 15-a de decembro, kiam esperantistoj entreprenis kampanjon por videbligi la lingvon en tiu forumo kun ducent milionoj da uzantoj. La fina celo tamen ne estis atingita - la vorto "Esperanto" ne aperis en la listo de la pintaj temoj, sed la kvanto de mesaĝoj kun la magia vorto ja tre draste altiĝis dum la tago.
Legu pli en la Libera Folio
